Қашқадарё вилояти Экология ва атроф муҳитни муҳофаза қилиш бошқармаси Деҳқонобод тумани инспекторлари, Миллий гвардия ва ИИБ ходимлари иштирокида тумандаги Сегузар деҳқон озиқ овқат бозори ҳудудида экологик назорат рейд тадбирлари ўтказилди.
Назорат рейд тадбирлари давомида Ўзбекистон Республикаси Вазирлар Маҳкамасининг 2018 йил 2 октябрдаги “Маиший чиқиндилар билан боғлиқ ишларни амалга ошириш соҳасидаги ишлар самарадорлигини янада ошириш чора-тадбирлари тўғрисида” ги 787-сонли қарорнинг санитария жиҳатидан тозалаш ишларини ташкил этиш ҳамда қаттиқ маиший чиқиндиларни тўплаш учун чиқинди қутиларини жойлаштириш ва улардан фойдаланиш ҳолати бўйича мониторинг ўтказилди ҳамда атроф-муҳитни тоза-озода сақлаш, чиқиндиларни белгиланмаган жойларга ташламаслик, атроф муҳитнинг экологик осойишталигини таъминлаш мақсадида тарғибот ишлари олиб борилди.
