Қашқадарё вилояти Экология ва атроф муҳитни муҳофаза қилиш бошқармаси Шаҳрисабз туман инспекторлари томонидан ўтказилган давра суҳбатида Шаҳрисабз туманидаги 29 та ДМТТ мудиралари иштирок этишди.
Инспекторлар томонидан ДМТТ мудираларига «12-май — Экологик таълим куни» бўйича кўрсатномалар тақдим этилди ва сана ҳақида батафсил маълумот берилди.
Таъкидланишича, ушбу сананинг асосий мақсади – сайёрамиз аҳолисининг экологик билимини бойитиш, аҳолида экологик маданиятни ривожлантириш, жамиятнинг экологик хавфсизлиги ҳақида жамоатчиликнинг хабардорлигини ошириш ҳамда ҳар бир фуқарони табиатга ҳурмат-эҳтиром руҳида тарбиялашни тарғиб этишдан иборат.
Тадбир иштирокчилари мамлакатимиз табиати, экотизимлари, атроф-муҳит барқарорлигини таъминлаш, аҳолининг экологик маданиятини юксалтириш зарурлигини қайд этишди.
