Давлат экология қўмитасининг назорат бўйича инспексияси бошлиғи Икромжон Тагаев бошчилигидаги ташкил этилган ишчи гуруҳ ҳамда Қашқадарё вилояти Экология бошқармаси ходимлари томонидан «ЎЗБЕКНЕФТГАЗ» АЖга қарашли «Шуртан нефт ва газ қазиб чиқариш бошқармаси»да текшириш ишлари бошлаб юборилди.

Текширишдан кўзланган асосий мақсад «ЎЗБЕКНЕФТГАЗ» АЖга қарашли «Шуртан нефт ва газ қазиб чиқариш бошқармаси»да Ўзбекистон Республикасиниг «Табиатни муҳофаза қилиш тўғрисида»ги, «Атмосфера ҳавосини муҳофаза қилиш тўғрисида»ги, «Сув ва сувдан фойдаланиш тўғрисида»ги, «Экологик экспертиза тўғрисида»ги, «Чиқиндилар тўғрисида»ги қонунларни ва соҳага оид бошқа норматив-ҳуқуқий ҳужжатлари ижросини ўрганишдан иборатдир.