Ёш авлод қалбида табиатга меҳр туйғусини уйғотиш, инсоннинг ахлоқий ҳамда экологик тарбиясини юксалтириш мақсадида республикамизда узлуксиз экологик таълими ҳам жорий этилмоқда. Умумтаълим мактабларида «Атрофимиздаги олам» каби дарсликларнинг ўтилаётгани фикримизнинг далилидир.
12-май — Экологик таълим куни муносабати билан Қашқадарё вилояти Экология ва атроф муҳитни муҳофаза қилиш бошқармаси Шаҳрисабз туман инспекторлари томонидан 26-сонли умумтаълим мактабида ўқувчилар учун экологияга оид викторина ўтказилди.
Савол-жавобларда фаол иштирок этган ўқувчиларга эсдалик совғалари тақдим этилди.
